Leiðin

Þetta kort er merkt með leiðinni okkar eins og við munum ferðast í kringum hnöttinn í fjóra mánuði. Við byrjum á að fljúga frá London-Indlands og þar meðfram línunum.

Við stöllur fylgjumst að mest alla leiðina, fyrir utan þegar Kristína og Hrafntinna fara fyrr til Ástralíu (22.des) og restin af álfunum fara til Laos, Cambodiu og Thailands á meðan.

Hér eru helstu dagsetningar fyrir stóru flugin sem við erum þegar búnar að bóka:

4.okt Sigurrós og Kristína til Indlands í hjálparstarfi á Heimili Litlu Ljósana, ABC

4.nóv Hrafntinna, Stella, Snædís og Matthildur til Indlands, Delhi 10 dagar

24.nóv Frá Kathmandu (Nepal) 10 dagar, til Peking (Kína) ca. 2 vikur

8.jan Frá Bangkok (Thailand) ca. 2 og 1/2 vika, til Brisbane (Ástralía) 3 vikur
30.jan: Sydney (Ástralía) -Wellington (Nýja-Sjáland) 12 dagar
13.jan: Nýja-Sjáland- Tongatapu (lítil eyja í Kyrrahafinu) 1 og 1/2 vika

24.feb: Tonga- Los Angeles Sigurrós-Hrafntinna-Kristína verða þar í tvo daga og koma heim

27.febrúar

En Matta, Stella og Snædís stoppa ekki þar og koma heim 25.febrúar

Haldið ykkur fast!

Fyrsta bloggið

Sælt veri fólkið,

Við heimsálfarnir, Hrafntinna, Sigurrós, Kristína, Matta, Snædís og Stella, erum við það að leggja land undir fót og halda suður á bóginn þar sem ævintýrin bíða okkar við hvert fótmál. Við munum flýja land ísa 4.nóv (en Kristína og Sigurrós mánuði fyrr 4.okt) og halda til:

London-Indlands-Nepal-Kína-Taílands-Laos-Kambódíu-Ástralíu-Nýja Sjálands-Tonga-LA-London

Við munum halda uppi foreldravænu bloggi með ritskoðuðum myndum ykkur öllum til ánægju og yndisauka.

Yfir og út,
Heimsálfar